Од ВМРО-ДПМНЕ сметаат дека премиерот Зоран Заев и СДСМ ја носат државата во пропаст.
Тие бараат одговор од Заев, но и од СДСМ за средбата во Тетово и дали таму е договорено територијално редефинирање на државата.
– Дали Зоран Заев вети дека ќе направи целосно преуредување на уставниот поредок? – прашуваат од ВМРО-ДПМНЕ.
Тие сметаат дека Заев ја турна државата во калта на криминал, корупција, непотизам и незаконие.
– Република Македонија стагнира на секое поле. Наместо реформи Заев тера антидржавна агенда.
Државните претпријатија се користат за местење тендери, а приватниот сектор со исклучок на бизнисите на Заеви и Анѓушев пропаѓаат.
Се повеќе луѓе ја напуштаат Република Македонија. Наместо да ги врати иселените, власта го забрза процесот. – соопштуваат од ВМРО-ДПМНЕ.
Тие сметаат дека на Република Македонија и е потребна обнова. Потребна е нова влада која ќе ја предводи ВМРО-ДПМНЕ и ќе донесе напредок за државата.
