Опозициската ВМРО-ДПМНЕ повторно со обвинување до СДСМ и владејачката коалиција, дека пописот е однапред договорен, а бројките на истиот се веќе испазарени.
Во соопштение на партијата, се вели дека доказ за тоа дека СДСМ не сака реален попис, се 40-те амандмани на ВМРО-ДПМНЕ кои тие ги одбија, а беа наменети за подобрување на процесот на попишување.
– СДСМ целосно одби употреба на фингерпринт терминали при попишување, со што ќе може да се попишат само оние кои се реално присутни, односно резидентно население. Доколку власта сака статистика, тогаш немаше да има воопшто проблем со употреба на фингерпринт терминали.
Заев сака попис кој е однапред договорен, со испазарени бројки.
Заев ќе спроведува попис со едноставно диктирање на матични броеви без дополнителна проверка.
Дека СДСМ не сака реален попис е доказ и дека ги одбија сите амандмани на ВМРО-ДПМНЕ, кои имаа за цел подобрување на законот за попис.Се што прави власта е на сила и на штета на граѓаните. Дополнително на се, власта не се откажува од пописот, иако во време на пандемија тој е исклучително опасен. Имено од попис се откажаа држави како Германија, Србија и други, но не и Заев. После се разумот е последното нешто кое го очекуваме од Заев, но затоа го повикуваме претседателот Стево Пендаровски да не го потпишува Законот за попис и да го спречи овој фалсификат во обид, се наведува во соопштението на партијата.
