СДСМ се што вети за подобрување на здравствениот систем излажа, велат од ВМРО-ДПМНЕ.
Од таму посочуваат дека Владата на СДСМ единствено успеа за три години да го урниса здравствениот систем.
Наместо реформи успеа само да воведе хаос во здравството, низа скандали, и потпишување на матни и криминални тендери, велат од ВМРО-ДПМНЕ и додаваат дека во здравствениот систем царува криминал сведочи и кривичната пријава против Дончев, Филипче и Кичеец кои што се обвинуваат дека тие спречуваат продажба на македонска приватна компанија, со цел да рекетираат.
Граѓаните на Република Македонија не заслужуваат ваков здравствен систем. Граѓаните заслужуваат модерно и пред се ефикасно здравство. Поради неспособноста да обезбедат ефикасно здравство, граѓаните ќе ги казнат на предвремени парламентарни избори, и ќе започне обнова на Македонија, нагласуваат од ВМРО-ДПМНЕ.
