ВМРО-ДПМНЕ реагираше на соопштението на СДСМ, и од таму велат дека македонската економија со СДСМ го допре дното.
Парите наместо да завршуваат кај граѓаните, тие завршуваат во џебовите на Заев и врхушката на СДСМ.Власта ги зголеми даноците, ја зголеми акцизата на горивата и секојдневно им ги зголемува давачките на граѓаните, со што уште повеќе ги осиромашува, велат од ВМРО-ДПМНЕ и додаваат дека СДСМ придонесле да има над 500.000 граѓани кои живеат под прагот на сиромаштијата, а долгот на државата вртоглаво расте и ја надмина психолошката граница 5 милијарди евра, односно над 50% од БДП.
Заев со неговата Влада немаат намера да донесат подобар стандард за граѓаните и подобра економија за Република Македонија, посочуваат од ВМРО-ДПМНЕ.
Поради тоа неопходни се предвремени парламентарни избори за што побрзо оваа власт си замине и започне обновата на Македонија – стои во реакцијата.
