Филипче мора да си даде оставка, зошто Македонија нема повеќе животи за губење, стои во утринското соопштение на ВМРО-ДПМНЕ до медиумите.
Од партијата велат дека „шверцерското ноќно објавување на бројот на починати и новозаразени нема да ја намали одговорноста и неспособноста на гробарскиот тандем Заев Филипче“. Секој ден е нов пик на новозаразени, и секој ден губиме по десетина наши сограѓани заради неспособноста на Филипче.
-Македонија е на врвот на листата на смртност во регионот, затоа што Филипче е неспособен. Пациентите чекаат и по неколку дена за тестирање, а потоа уште неколку дена за резултати. Додека да стигнат во болница, состојбата им е веќе комплицирана, и често завршуваат фатално, дури и млади луѓе, стои во соопштението.
Во него, ВМРО-ДПМНЕ наведуваат неколку примери зошто Филипче мора да си поднесе оставка:
– Здравствениот систем не функционира и луѓе умираат или по ходнкците молeјќи за помош или на пат кон болниците.
– Министерот Филипче имаше десет месеци да се подготви за новиот бран, но тој не направи ништо за да обезбедо минимална подготовка на капацитетите.
– Секојдневно се лажираат бројки на заразени и се кријат починати.
– Тестирањето на КОВИД заразените се претвори во милионаки бизнис додека за функционерите на власта тоа е бесплатно.
Од партијата обвинија дека доколку министерот Филипче не водел кампања со Заев летото и си ја вршел работата можеби сега ќе имавме доволно болнички капацитети и медицински персонал. Но. велат, тој се ставил во позиција на политичар, а не на лекар.
Филипче мора да понесе одговорност, за сите задоцнети реакции и изгубени животи. Филипче не направи ништо за да го смени пристапот и да спаси живот повеќе. И додека Филипче е политичар во обид Македонија губи. Македонија нема повеќе животи за губење. Филипче или Живот. Оставка веднаш!, се вели во соопштението.
