Стоилковски: Срамот кој Заев и го приреди на Македонија станува планетарен

Практичната шега која му ја направија, на површина извади сериозни работи на површина. По којзнае кој пат се уверуваме дека аболицираниот криминалец Зоран Заев не се менува и старите манири од градоначалничкиот кабинет од Струмица сега владеат во кабинетот на Владата на Република Македонија, рече Наум Стоилковски, Портпарол на ВМРО-ДПМНЕ.

Тој посочи дека во разговорот со лажниот Порошенко, Заев открива дека е подготвен да му плати на вселенскиот патријарх 100 илјади евра во кеш. Комичарот преставувајќи се како Порошенко во еден момент вели дека за признавање на автономност на православната национална црква тој дал поткуп.

Стоилковски ги посочи и разговорите „Му дадов донација лично на Патријархот Вартоломеј, му дадов 100 илјади евра, тоа е еден од условите“ -каде се шегува комичарот во разговорот со Зоран Заев кој што мисли дека разговара со Порошенко и друг дел од разговорот кај што вели – „Тоа е многу нормално“, внимавајте Заев за давање на поткуп до Патријархот вели „Тоа е нормално“. Па продолжува – „ОК, ќе биде тоа донација во кеш, нормално ќе го направиме тоа“. Донација во кеш е нормално.

– Ова е целокупната беда на Заев преточена во само неколку минути. Ова го покажува менталниот склоп на аболицираниот Зоран Заев. Тука колку и да сака Заев да се правда со цигли и други градежни материјали, тој зборува и станува збор во разговорот за донација во кеш, во готово. Никој до сега не слушнал дека цигли, цемент и арматура се викаат кеш. Дотолку повеќе што Заев говори дека е нормално да се дава кеш, а натаму уште е среќен што му е даден попуст, пазете попуст па ќе даде само 100 илјади евра – рече Стоилковски.

Да ја ставиме шегата настрана, да ставиме настрана што открива телефони на американски функционери како да е златна книга, да оставиме настрана што не почитувал никакви безбедносни протоколи, да оставиме настрана што го обработувале речиси цела година, па и самиот им се јавувал, овде се работи за многу посериозен скандал, додаде Портпаролот, ова е класичен обид за корупција за кој што Заев не само што треба да понесе политичка, туку и кривична одговорност.

– Срамот кој и го приреди на Македонија станува планетарен. Не е ни чудо што сме најкорумпирана земја во Европа, кога за премиер го имаме Зоран Заев. Оставка од Заев требаше да биде поднесена уште вчера, бидејќи секој поминат ден со Заев на власт се руши се повеќе угледот и позициите на Република Македонија – рече Стоилковски.