Претседателот Стево Пендаровски денеска се сретна со рускиот амбасадор Сергеј Баздникин и најави интензивирање на соработката помеѓу двете држави.
На средбата, соопшти денеска Кабинетот на Пендаровски, биле разменети мислења за севкупните билатерални односи меѓу Република Северна Македонија и Руската Федерација, а биле разгледани и можностите за поинтензивни контакти на сите полиња од заеднички интерес.
Заеднички била констатирана потребата од унапредување на економските односи меѓу двете држави со оглед на фактот дека Руската Федерација е значаен економски и трговски партнер на Република Северна Македонија.
Функционери на власта неколку пати имаат изјавено дека доколку ЕУ не ни даде датум за преговори, ќе бараат алтернатива во други партнерства.
– ЕУ ќе го изгуби влијанието на Западен Балкан и ќе ризикува да ги зајакне ривалите како што се Русија и Кина ако не го одобри „уверливиот случај” на Северна Македонија и не донесе одлука да започне преговори за пристапување на земјата. Ќе биде тешко да разговараат со крената глава за трајни поблиски врски меѓу Брисел и регионот, ако земјите-членки на ЕУ не успеат да ја потврдат одлуката за започнување на процесот на пристапување. – истакнува Димитров во интервју за Фајненшл Тајмс дадено на крајот на мај.
