Средбата меѓу претседателот Ѓорѓе Иванов, премиерот Зоран Заев и министерот за надворешни работи Никола Димитров траела само две минути.
Иванов ги прашал Заев и Димитров дали ја имаат на писмено спогодбата со Грција. Откако добил потврден одговор, претседателот на премиерот и на шефот на дипломатијата, само им рекол дека нема потреба да го продолжат состанокот, објави Мкд.мк од извори во претседателскиот кабинет.
На денешната средба закажана за во 10 часот Иванов требаше да ги добие сите детали околу вчера постигнатиот договор меѓу македонскиот и грчкиот премиер Зоран Заев и Алексис Ципрас.
