Официјалното Владино соопштение за одржаната прес-конференција на претседателката на Инспекцискиот совет, Магдалена Филиповска-Грашкоска, покажа скандалозно ниво на непрофесионализам на вработените во Владината прес служба.
А, освен скандалозно, никако поинаку не може да се оцени тоа што како прилог на обраќањето на Филиповска-Грашкоска, наместо фотографија од настанот, медиумите добија фото-монтажа и карикатура од американскиот претседател Доналд Трамп.
За волја на вистината, од Владината прес-служба го увидоа својот гаф и шест минути по првочното соопштение испратија корекција во која сликата на Трамп ја немаше.
Сепак, ваквата корекција во никој случај не го одговара прашањето дали и зошто вработени во Владина институција во текот на работното време гледаат и се занимаваат со смешни слики од Трамп, наместо да си ја вршат работата за која се платени.
