Министерот за надворешни работи, Никола Димитров, објави дека ја разгледал канцеларијата во седиштето на НАТО во Брисел која Македонија ја купува за речиси 3 милиони евра.
За купување и адаптација на деловен простор во седиштето на НАТО во Брисел за потребите на Мисијата на Македонија во НАТО предвидени се 2.872.255 евра за купување 996,37 квадратни метри административните простории и паркинг и за адаптацијата.
Димитров учествува на НАТО министерскиот состанок во пресрет на лидерскиот состанок на Алијансата во Лондон.
-Денот го искористивме за посета на идните простории на Постојаната мисија на Северна Македонија. Покрај средбата со новиот заменик генерален секретар на НАТО Мирчеа Џоана, остваривме и билатерални средби со колегите од Франција, Португалија, Луксембург, Грција, Бугарија, Словенија, Словачка, Чешка, Данска, Полска и Црна Гора, објави Димитров.
 
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
