Средношколците од општина Тетово од денеска ќе продолжат со протести против онлајн наставата.
Тие велат дека не се откажале од бојкотот на наставата и дека единствено барање им е настава со физичко присуство. Од министертвото за образование и наука со апел до сите оние кои ја бојкотираат наставата дека секој изгубен ден од учењето е на директна штета на децата.
–За неполна недела околу 80 проценти од учениците во средните и основните училишта успешно се приклучија кон онлајн наставата, а овој процент од стартот на годината постојано се зголемува. Останатите, ученици и наставници во основно и средно образование, пријавиле дека имаат тешкотии при вклучувањето во онлајн наставата, а како најчеста причина ги посочуваат – лошата интернет конекција или немањето уреди. Министерството за образование и наука е во координација со градоначалниците, локалните самоуправи и директорите на училиштата и се работи на надминување на овие предизвици, информираат од министерството.
