Германската полиција соопшти дека маж со нож нападнал и ранил неколку лица во градот Франкфурт пред властите да го приведат.
Полицијата во Франкфурт преку твит соопшти дека ниту една жртва на нападот во вторникот наутро не била во животна опасност.
Тие не објавија никакви детали за напаѓачот, ниту пак кажаа колку лица се повредени.
Локалните медиуми објавија дека инцидентот се случил во близина на главната градска железничка станица и дека жртвите биле пренесени во блиските болници, пренесува АП.
