Во терористички напад врз гинеколошка болница во главниот град на Авагинстан, Кабул, имало најмалку четири жртви, меѓу кои и новородено бебе.
Авганистанските безбедносни сили убиле тројца напаѓачи и евакуирале повеќе од 80 жени и бебиња од болницата.
Како што соопштија владини претставници, нападот врз болницата го извршиле најмалку тројца терористи, облечени во полициски униформи, кои употребувале бомби и огнено оружје.
Претходно денеска, бомбаш-самоубиец влегол во погребна поворка во источен Авганистан и активирал експлозив. Според првичните информации, во овој напад загинале или се повредени околу 40 луѓе.
