Петмина се приведени по инцидентите меѓу полицијата и група демонстранти што избија за време на протестот на студентите и учениците во центарот на Атина.
До инцидентите дојде кога група маскирани лица ја нападна полицијата со дрва, предмети и молотови коктели на што специјалните полициски сили одговорија со шок бомби и солзавец. Тензиите траеа кусо, а маскираната група нанесе материјална штета на автобуски постојки, додека, пак, по завршувањето на протестот бил пронајден и ранец со молотови коктели.
На студентите кои речиси секој седмица протестираат, денес им се придружија и учениците. Демонстрациите се против промените кои владата ги воведува во образованието, а голем дел од нив веќе се изгласани од грчкиот Парламент.
Molotovs, stones and tear gas outside the #Greek parliament in #Athens, during student protests against the government new educational reforms and against the abolition of the university asylum. pic.twitter.com/p07IaJZctP
— th1an1 (@th1an1) November 4, 2019
