По американскиот воздушен напад во Багдад, во кој бeше убиен иранскиот генерал Касем Сулејмани со реакција се јави и албанскиот премиер Еди Рама.
Тој во статус на Твитер изразува целосна подршка за САД, наведувајќи дека „Албанија е на страната на САД“.
– Како земја што неодамна ја призна неправедната активност на Иран против слободниот свет и јасно се дистанцира од неа, Албанија не може енергично да не го одобри ставот на претседателот Трамп против еден злонамерен активист на режимот на Техеран. Ние сме посветени на САД и се надеваме дека сите ќе го направат тоа, напиша Рама.
As a country which recognized a while ago Iran’s nefarious activity against the free world and took clear distance from it, Albania cannot but strongly approuve @POTUS stance towards a malicious activist of Teheran’s regime! We stand firm with the US and hope everyone does so????
— Edi Rama (@ediramaal) January 3, 2020
Претходно, најголемата албанска опозициска сила, Демократската партија (ПД), преку соопштение ја искажа поддршката за „ангажираноста на САД во борбата против тероризмот“.
– Одлуката на претседателот Трамп за напад врз еден од архитектите и предводниците на терористички активности е силен чин на лидерство и заштита на демократските вредности и мир. Демократската партија, сега во опозиција, а утре на власт, во секое време, е на страната на САД, се наведува во соопштението на ПД објавено на Твитер.
