Реакции од шефот на турската дипломатија Мевлут Чавушоглу, но и од Министерството за надворешни работи на Грција предизвика кинењето на грчкото знаме во Европскиот Парламент од стана на независниот грчки европратеник Јанис Лагос, кој беше избран како член на Златна зора.
За време на седница на ЕП посветена на мигрантското прашање, Лагос ја обвини Турција дека е виновна за проблемт и го искина турското знаме.
– Турција е омиленото дете, ја оставате да прави што сака. Со незапирливи бранови ја полни мојата татковина и цела Европа со нелегални мигранти и ова знаеме, кое што е турско знаме, не е дозволено да го прави она што го прави тоа е знаме на крвопролевање и единственото нешто што го заслужува е ова – изјави Лагос и го искина турското знаме.
По таквиот испад, преку официјалниот Твитер профил, реагираше шефот на турската дипломатија.
– Никој не треба да се сомнева дека нашето знаме ќе продолжи да се вее гордо засекогаш! Во очекување Европскиот парламент да ги преземе потребните мерки против овој кловн – напиша Чавушоглу.
Nobody should doubt that our flag will continue to wave proudly forever! Expecting European Parliament to take necessary measures against this clown.
— Mevlüt Çavuşoğlu (@MevlutCavusoglu) January 30, 2020
These racist minds know better than anybody how we crash and kick out to the sea those who dare attack our glorious flag. Europe’s spoiled and racist children should know their place. Europe must put an end to racism and animosity against Islam. pic.twitter.com/s8EUpRtLqz
— Mevlüt Çavuşoğlu (@MevlutCavusoglu) January 30, 2020
Од Министерството за надворешни работи на Грција, го осудија инцидентот.
– Грција на најкатегоричен начин ја осудува секоја постапка на навреда на национален симбол, а во конкретниот случај на националниот симбол на Турција. Неприфатливите постапки на претставниците на неонацизмот се вон грчката и европската традиција и се обиди за саморекламирање на формацијата Златна зора против која се води судски процес и која што грчкото општество со гласовите ја остави вон Парламентот. Неонацистите си се претставуваат само самите себе – соопштија од грчкото МНР.
