Премиерот Зоран Заев, говорејќи за Договорот од Преспа, кажа дека Грција ги прифатила нашиот јазик и идентитет, па затоа тие се одлучиле за „ерга омнес“.
Заев кажа дека е добро што Грција прифатила постоење на Македонци кои говорат македонски јазик и рече дека Договорот од Преспа е добар за нашата иднина.
Во именување на држави постоело „Северна“, како географска одредница, па затоа се одлучиле за Северна Македонија.
– Наша беше опцијата за Северна Македонија. – рече Заев.
Лидерот на опозицијата Христијан Мицскоски рече дека не го поддржуваат Договорот на СДСМ и Зоран Заев со нашиот јужен сосед.
Со тој капитулантски договор се одрекуваме од себе си, истакна Мицкоски и изрази незадоволство од содржината на договорот.
Од друга страна ВМРО-ДПМНЕ е за договор со Грција, но не ваков каков што е сегашниот.
– Според овој договор ние сме како во резерват. – потенцира Мицкоски.
– Како е јазикот што го зборуваат луѓето во Воден, а е различен од грчкиот? – праша Мицкоски.
