(ВИДЕО) Земон: Етнолозите се против наметнување официјални јазици

Гостин во денешната емисија „Утро со Златев“ беше претседателот на ПОЕН, Рубин Земон. Со него се дискутираше на повеќе теми како етничките заедници во Македонија, за измените во законот за лични карти, но и други актуелни политички случувања како пописот во Македонија.

Тој вели дека етничкиот идентитет е лично чувство. Тој додава дека ПОЕН е граѓанско здружение, а не политичка партија.

– Треба да се има ист еднаков пристап на сите граѓани спрема сите државни институции, но и на државата спрема сите граѓани, вели Земон.

Рубин Земон вели дека од 91-ва до сега сите пописи од некој се оспорувани.

– Никој нема да ви кажува вие што сте и кои сте. Секој си знае кои се неговите наследени културолошки работи, вели Земон и додава дека тој затоа е против етничката припадност да стои во личните карти.

За пописот вели дека тоа се статистички податоци и дека таму треба да биде различно од личните карти.

Тој зборуваше и за официјалните јазици во државата, каде вели дека е етнолог и кажува подетално за ова.

– Ние како етнолози сме против наметнување на официјални јазици во државата, вели Земон за Радио Лидер.

Целото негово гостување на Радио Лидер може да го погледнете во продолжение.