Лидерот на ВМРО-ДПМНЕ Христијан Мицкоски, со видео кое го објави на Фејсбук, потсети на штетните политики кои ги спроведуваат премиерот Зоран Заев и министерот за надворешни работи Никола Димитров.
Тој најави дека поради тоа пратеничката група на ВМРО-ДПМНЕ во Собранието поднесе интерпелација на Димиторв.
– Никола Димитров со Заев донесоа капитулантски договор!
Понижување и разградување на Македонските национални и државни интереси!
Димитров кажа дека Македонците биле нација со комплекс!
Нема датум за преговори со ЕУ. Македонската дипломатија исто како и државата е прикована на дното.
Поднесовме интерпелација за најнеуспешниот министер за надворешни работи. За да престане срамот, за да македонскиот углед не продолжи да се урива. Во собраниската дебата за време на интерпелацијата ќе се збори за фактите кои ќе го разобличат неговото делување.
Затоа оставка поради црнилата кои и ги донесе на Македонија! – напиша Мицкоски.
