Длабокот неуспешен референдум, Македонија вистински победи. Бројот на граѓани кои не дадоа поддршка, апстинираа или гласаа против, е драстично поголем од оние кои гласаа ЗА.
Договорот со Грција не доби зелено светло, народот кој е сопственик на оваа земја покажа демократска и патриотска свест.
Овде живеат Македонци, нашиот идентитет е македонски, нашиот јазик е македонски, така ќе биде и во иднина. Ви благодарам на сите.
Референдумот е неуспешен, граѓаните му кажаа на Заев – едно големо НЕ за капутулантскиот договор со Грција и криминалот и корупцијата која ја спредува тој и неговата Влада. Референдумот е неуспешен и со историски најнискиот одзив на граѓаните на Македонија, Заев и Владата немаат легитимитет.
Договорот со Грција не помина на референдум – порача лидерот на ВМРО-ДПМНЕ Христијан Мицкоски во првото обраќање по референдумот кој имаш историски најниска излезност.
Ќе дојде време да одговараат за криминалите, но и како приватни телефонски броеви се најдоа во рацете на луѓе од штабот на СДСМ.
Народот е на нозе, ќе ве победиме. Народот ја сака Европска Македонија, но се против договорот Заев-Ципрас. Поларизацијата меѓу народот е вештачка и создадена од Заев, народот мора да се сплоти. Битката до конечна победа продолжува, порача Мицкоски.
Утре е први октомври, да почнеме да ги решаваме проблемите на граѓаните, Македонија по година ипол му рече на Заев – НЕ, доста е.
Јасна е пораката до нашите пратеници и не само до нашите, туку до сите. Зоран Заев не треба да се подготвува за предвремени избори, треба да се подготвува за трајна политичка пензија, порача Мицкоски.
