Денешен гостин во емисијата „Утро со Златев“ беше заменик-министерот за локална самоуправа, новинар и член на Демократски Сојуз, Зоран Димитровски. Со него се разговараше за актуелната политичка ситуација во Македонија, за правата на новинарите, за договорот на Владата со Бугарија и слични теми.
Околу договорот со Бугарија тој вели дека најлошо е тоа што тие, мислејќи на Бугарите, не признаваат дека кај нив имало фашизам.
– Вие денес не можете да преговорате за историјата односно за јазикот и идентитетот и мора да направите црвена линија до каде може да се оди, вели Димитровски за Радио Лидер.
Со него се дискутираше и на темата СЈО. Гостинот Димитровски вели дека сите кои оделе по улиците со маичките СЈО станале мајмуни. Според него СЈО требало да биде ликот на правдата во Македонија, а наместо тоа се случило фијаско.
Тој исто така зборуваше и за медиумите и вели дека најголемиот медиумски мрак Македонија го има доживеано во деведесетите години.
Целото интервју со Зоран Димитровски може да го погледнете ТУКА.
