Уредникот на телевизијата 24, Сеад Ризвановиќ, реагираше откако Лидер ја објави аудио-снимката на која градоначалник од редовите на СДСМ киднапира и тепа човек.
Уредникот за скандалозната снимка бара реакција од премиерот Зоран Заев на кого му порача дека дното е блиску ако нема одговорност.
– Скандалозна снимка, и ако за ова исто така нема реакција, тогаш премиере Заев влегувате во опасни води каде дното е блиску. – напиша Ризвновиќ на Фејсбук.
Свиркач, до редакцијата на „Економски Лидер“ достави аудио снимка на која се слуша како градоначалникот на скопската општина Шуто Оризари, лишува од слобода, тепа и измачува човек во неговиот кабинет.
-Ајде седни, чекај да ја заклучам вратата за да не ми избегаш. Имам со тебе да завршам некоја работа. – вака со лишување од слобода, почнува аудио снимката, која свиркачот ја достави до нашата редакција.
Понатаму во аудиото, се слуша како градоначалникот Курто Дудуш го прашува киднапираниот зошто го пцуел „на сред центар“ и почнува физички да го измачува. Во снимката во неколку наврати се слушаат силни удари и тепање на извесниот Сенат, кој е заклучен во канцеларијата на Дудуш.
Градоначалникот Курто Дудуш, кој е и поранешен пратеник од редовите на СДСМ на изборите во 2016, на снимката додека го тепа Сенат, се слуша и како користи навредливи зборови како „чергар“, „п*дер“, „племето да ти го е*ам“, „мртвите да ти ги е*ам“…
Се слуша и како Дудуш, додека тепа, вели дека тој е градоначалник и тепаниот не му може ништо затоа што гласот не му се слуша во Шутка.
Насилството и лишувањето од слобода, се сериозни кривични дела од висок јавен интерес, ова е главната причина поради која редакцијата на „Лидер“ одлучи да ја објави аудио снимката, која не знаеме на каков начин е прибавена.
-Треба да земам безбол палка и да ти ги искршам ребрата. – додека тепа вели Курто Дудуш во аудиото.
Се очекува реакција на МВР и Јавното обвинителство. Снимката можете да ја погледнете во прилог:
