Премиерот Зоран Заев, на денешната прес-конференција изјави дека е најдено решение за матурата. Таа ќе се состои од два екстерни испити, додека третиот ќе биде префрлен како интерен.
-Најдовме квалитетно компромисно решение со матурантите. Водиме грижа за младите луѓе и затоа им излегуваме во пресрет. Се договоривме матурата да се состои од 2 екстерни испити, додека третиот да биде префрлен како интерен, со што матурантите не би имале проблем при уписот на факултетите, изјави премиерот Зоран Заев по средбата со раководството на Сојузот на средношколци.
Тој исто така истакна дека се договориле оваа година полагањето на државната матура да започне од 5-ти јуни.
-Ги охрабрувам да продолжат да бидат гласни за секое прашање од нивен интерес. Научивме многу и прифативме многу дури и од луѓе како средношколците, истакна Заев.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
