На конкурс ли градоначалничката на Битола го вработи својот брат, или градоначалникот на Берово неговата сопруга? Дали на конкурс Генералниот секретар на Владата го ангажираше кумашинот за адвокат, а директорката на агенцијата за вработување ги вработи сестрата на сопругот, внукот од сестра на сопругот и старосватицата, истакна Христијан Мицкоски претседателот на ВМРО-ДПМНЕ, обраќајќи се до премиерот Зоран Заев на ТВ дуелот на МРТ.
Мицкоски исто така запраша дали заслужено и на конкурс синот на советникот на Заев, Мирослав Грчев е вработен во ЕЛЕМ исто како и ќерката на Талат Џафери исто во ЕЛЕМ?
Господине Заев сонувате, тука сум да ви помогнам, не е таква реалноста. Ве разбирам опкружени сте с о луѓе кои ви кажуваат тоа што сакате да слушнете, но граѓаните трпат. Ајде да направиме конкурентно општество, да направиме вистинска држава каде што секој ќе напредува и ќе се врабоптува затоа што поседува квалитет, затоа што им а техника и вештини, а не затоа што е син, внук сопруг, старосватица, кумашин или кум, потенцираше Мицкоски.
