На вечерашната дебата на МТВ, претседателот на ВМРО-ДПМНЕ, Христијан Мицкоски му посочи на Зоран Заев дека со тоа што знаел дека на изборите ќе му се случи пораз во април, мислејќи да профитира во кризата и дека народот ќе му даде поддршка ги втурнал граѓаните во апокалиптично сценарио.
-Вашата намера господине Заев не беше чесна и честита затоа што знаевте дека ќе ви се случи катастрофален пораз на изборите во април, а потоа мислејќи во услови на криза дека народот ќе ви даде поддршка, вие мислевте дека на тој бран ќе добиете избори, а го втурнавте народот во апокалиптично сценарио, критикуваше Мицкоски.
Тој вели дека вакавта како што рече дифузна реторика од страна на господинот Заев ја портретира реалноста во Република Македонија.
-Кога зборуваме за бројки и за избори вие самите рековте дека тогаш бројките не дозволувале да има избори, но ако бројките не дозволувале да има избори на 20,30 инфицирани, а вие бевте најголем гласноговорник да има избори кога бројките беа 130,140, 150 инфицирани, му посочи Мицкоски на Заев.
