Претседателот на ВМРО-ДПМНЕ Христијан Мицкоски не го оправдува бегството на поранешниот премиер Никола Груевски.
Мицкоски на Фејсбук напиша дека политичкиот прогон и терор станува основен метод на дејствување на оваа власт.
Тој тврди дека имаме киднапирана држава каде граѓаните се соочуваат со растечка сиромаштија, зголемени даноци, одземено достоинство, промена на име, идентитет. Ова се вистинските теми кои ја разголуваат неспособноста на власта која се дефокусира со други теми и прашања, како што е последните случувања врзани со случајот Груевски, напиша лидерот на ВМРО-ДПМНЕ.
– Одговорноста за начинот на движење, методите и бегството на Груевски треба да се бара во власта, поточно во Заев и Спасовски. Иако притисокот, поточно прогонот кој го прави власта е политички мотивиран и е евидентен и многу јасен, самиот потег на бегство не го оправдувам, и тоа не е опција особено што други лица и нивните семејства ќе ги трпат последиците од таквата постапка. Оваа земја има поголем проблем, тоа е криминалната власт на СДСМ која мора да се спречи. – додава Мицкоски.
