ВМРО-ДПМНЕ денеска попладне ќе излезе на нов протест против, како што најавуваат, неправди, реваншизам и политичко насилство.
Ова е втор протест на оваа тема, откако претходниот го одржаа пред една недела. За разлика од минатиот, кога маршираа од Министерството за правда до Основниот кривичен суд во Скопје, денеска протестот ќе заврши пред Основното јавно обвинителство.
„Министерот за неправда наместо да прави реформи, јавно се заканува и им прејудицира казни на сите што не мислат како Заев. Тоа е таа Заев неправда по рецептот јавно да се најавуваат пресудите и од страна на Заев и од страна на министер за правда и од страна на обвинители и судии. Мафијата работи по принципот – мафија те тужи, мафија те суди“, пишува во најавното соопштение на ВМРО-ДПМНЕ.
Почетокот на протестот е закажан во 18:30 часот.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
