Иако илјадници пати функционерите на ДУИ ветија изградба и пуштање во употреба на автопатот Скопје – Блаце, до денес такво нешто не е реализирано, обвинуваат од партијата БЕСА.
Од таму велат дека високи функционери на ДУИ честопати го посетувале ова место, лажејќи дека овој пат наскоро ќе биде во функција и ќе ги поврзе Република Северна Македонија и Република Косово.
–Нивните празни ветувања сега завршуваат, затоа што дури и нивните чести лаги се трошат.
Ние сме тука иронично да ја пренесеме пораката за неуспесите на функционерите на ДУИ, да ги пресечеме лентите на нивните неуспеси и симболично да го отвориме овој пат кој сè уште не започна да се гради, со цел да се им овозможи на граѓаните слободно да се движат меѓу двете држави!
Знаејќи дека конкуренцијата е голема за сечење на лентата, ги повикувам мирно да ја пресечат црвената лента и да го решат овој повеќегодишен проблем.
Инаку, ДУИ е позната и како „субјект на црвена лента“ затоа што многу проектни ленти се исечени, но за жал не се завршени, потенцираат од БЕСА.
Младинскиот форум на Движењето БЕСА, истакнуваат, „чекор по чекор ќе ги следи сите неуспеси на ДУИ и ќе биде моќен глас за манипулациите на ДУИ и владата, која што секој ден ја губи довербата кај граѓаните поради неисполнување на изборните ветувања“.
