На средба со претседателот на Стопанската комора на Македонија, Бранко Азески, лидерот на СДСМ, Зоран Заев, изрази оптимизам дека земјава може да достигне екомномски раст до осум, а можеби и до 10 отсто.
Како што изјави Заев, во 2019 година растот бил 3,6 отсто, што според него, било добро, но не и доволно.
– Земјите од Вишеградката група кога стануваа членки на НАТО и кога ги отвораа поглавјата за членство во ЕУ имаа раст од пет, шест, седум, па и осум отсто, а некои достигнуваа раст и до 10 или 12 процента. Тоа треба да ни биде доволна мотивација да работиме многу за бројките да бидат многу поголеми од сегашните – нагалси Заев.
Според Заев, една од причините зошто земјата е насочена кон реализирање на евроинтеграциските цели и НАТО, е економскиот стандард, зголемувањето на БДП, отворањето нови работни места и раст на платите.
– Ако политичарите знаат доволно да ги слушаат стопанственциите, практичарите, синдикатите и ако бидат доволно мудри да ги искористат искуствата на пријателските земји, возможно е да се постигне посакуваниот економски раст – подвлече Заев.
