Oд СДСМ посочуваат дека Владата предоводена од СДСМ продолжува со вистинска грижа кон граѓаните и реализација на мерките што обезбедуваат повеќе пари во економијата и кај граѓаните.
Според официјалните информации, заклучно со јули 2019 година повратот на ДДВ кон претпријатијата во однос на истиот период од 2018 година е поголем за 14,5 отсто. Во апсолутни бројки тоа е за 30 милиони евра повеќе назад во стопанството, велат од СДСМ.
Повратот на ДДВ е неселективен и редовен, а во првите седум месеци претпријатијата добија над 14,5 милијарди денари по основ на ДДВ, додаваат тие и велат дека е реализирана добра наплата на даночните приходи, вклучително и ДДВ кој на бруто основа е повисок за 5,6% во однос на минатата година.
Истовремено, непречено тече и мерката за поврат на дел од платеното ДДВ кај граѓаните која дава одлични резултати.
Од СДСМ потенцираат дека досега, вкупно се скенирани над 9,5 милиони фискални сметки, а кај граѓаните се вратени над 80 милиони денари и дека овие податоци не се само обични бројки, туку се показатели за реално придвижување на економијата и обезбедување повеќе пари кај граѓаните и фирмите.
–Како одговорна партија остануваме посветени на реализацијата на мерките што обезбедуваат економски раст, конкурентна економија и повеќе пари назад кај граѓаните – порачаа од СДСМ.
