Во италијанскиот печат ова утро осамна наслов „Тендер за Лепонардо: Цигани како нас“. Пишувајќи за скандалот во Скопје, италијанската јавност се запознава со содржината на снимениот разговор за кој што генералниот секретар на владата Драги Рашковски призна дека гласот е негов, а станува збор за договарање дополнување на документација и реализација на тендер за набавка од италијанска компанија.
Италијанскиот весник Ла Верита ја пренесуваат содржината на разговорот, па додаваат дека во Македонија се пуштаат тајни аудио снимки од разговори за „порамнување на сметките“. Според тие снимки Генералниот секретар на Зоран Заев размислува за малверзации и финти со тендерска документација, анализира весникот. „Жртва- Плоштад Монтеграпа“, пишува Ла Верита. Всушност плоштадот Монтеграпа е адресата на седиштето на компанијата Леонардо.
Во насловот се пренесени ставовите на Рашковски, кои содржат навреди кон цели етникуми и нации, а во текстот се пренесени разговорите за малверзации со кoи генералниот секретар самоуверено „претпоставува“ кој е добитник на тендерот.
Скандалот во Скопје во кој десната рака на Зоран Заев договара тендер во секторот на авиосообраќајот ги мина границите и притисокот за релевантна истрага расте. Секако, молкот на институциите додека Рашковски отвара лична дебата со медиумите и опозицијата дополнително фрла сенка врз институционалниот молк и одговорот што била и каква е улогата на Рашковски во оваа тендерска набавка?
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
