Стартот на продолжениот празничен викенд причина за зголемен интензитет на сообраќај на патиштата низ државава.
Зголемен интензитет е регистриран кон Охрид и останатите домашни туристички центри.
По традиција, најголем метеж е кон соседна Грција каде само до утринава биле регистрирани над 10.000 македонски патници кои решиле празникот да го поминат кај соседот. Дополнително се регистрирани и околу 2000 патници главно од Србија.
Надлежните препорачуваат учесниците во сообраќајот да возат внимателно и да ја почитуваат патната сигнализација.
