Јозеф Фрицл е човек за кого е малку да се каже дека е монструм, подобро е да се каже дека е олицетворение на злото.
-Отсекогаш знаев дека она што го правам не е во ред. Знаев дека морам да бидам луд да ги правам тие работи. Па сепак, со време ми стана нормално да го живеам тој друг живот во подрумот на својата куќа, кажа тој за ова страшно злосторство.
Фрицл е човекот кој 24 години во подрумот на својата куќа во австрискиот град Амштетен ја држеше ќерката Елизабета. Ја затворил во 1984 година, кога имала 18 години, а додека ја држел во подземниот бункер кој самиот го изградил и до кој на неговата сопруга пристапот и бил строго забранет, ја злоставувал и тепал, а ја силувал околу 3.000 пати.
Несреќната девојка на својот татко му родила седум деца. Од тие седум деца едното починало три дена по породувањето, а три од нив се појавиле во крошна на вратата куќата на семејството Фрицл. Во крошната имало пораки дека тоа се деца на Елизабета, а нејзината мајка верувала дека таа избегала и се придружила на некој култ.
-Верував во тие пораки. Во нив пишуваше дека таа за децата не сака да се грижи, кажала Росмари Фрицл.
Откако страшната приказна од австрискиот подрум во 2008 година дојде до јавноста, малку беа оние кои веруваа дека сопругата на Фрицл не знаела што се случува во мрачниот подрум на нивната куќа. Но таа остана на своите тврдења, Фрицл на почетокот не сакал да ги признае своите злодела, но на крајот пред судот призна се.
-Осуден беше на доживотен затвор, а неговата ќерка со своите деца до крајот на животот ќе мора да живее со последиците од злоделата на нејзиниот татко.
-Ништо не им недостасуваше затоа што навистина се трудев да им биде подносливо. Си игравме, се смеевме, се забавувавме. Водевме сосем нормален живот, му кажал Фрицл на доктор Абделхајд Кастер, кој разговарал со него по апсењето.
Фрицл на Кастнер му кажал дека Елизабета никогаш не ја доживувал како ќерка.
-Таа беше моја сопруга и партнерка, велел тој.
Откако страшната приказна испливала во јавноста, се поставило прашањето дали сето тоа можело да се спречи. Фрицл во 1967 година бил осуден на 18 месеци затвор затоа што силувал 24 годишна девојка од Линц. Десет години подоцна бил обвинет за сексуално злоставување на својата тогаш 11 годишна ќерка Елизабета. Покрај сомнежите дека Фрицл сексуално ја злоставува ќерката, полицијата не реагирала.
Четири години подоцна Елизабета се обидела да побегне од домот, но полицијата ја нашла и ја вратила кај својот татко монструм. Девојката чекала до 1984 кога наполнила 18 години. Мислела дека полнолетноста ќе ја штити, односно дека полицијата нема да може да ја третира како девојка која избегала од дома. Но според она што доаѓа во иднина од тогаш,може да се каже дека страшно се излажала.
Нејзиниот татко не бил личност која заборава, а ни личност која дозволува да му се нарушува родителскиот авторитет. Поради тоа, овој пат добро се припремил па скришно под куќата направил бункер за на 24 август 1984 година прво да ја издрогира, а потоа и однесе во бункерот. Ја оковал со лисици и ја силувал, а таа мрачна просторија, полна со глувци, се испостави дека ќе биде дом на Елизабета во наредните 24 години.
Кога приказната стана јавна, излезе дека Елизабета потајно водела дневник во кој опишала како татко и ја силувал и тепал, како ја присилувал да ги раѓа децата на тоа одвратно место, иако таа за породувањата не знаела ништо.
-Ми остави една стара книга, валкан покривач и ножици. Морав да има секс со него, затоа секогаш кога би го одбила тој нас не тепаше. По подрумот ловев глувци, а на моите деца обични работи како огледала и ваги им беа сензација.
Ено од нејзините деца починало на починало по породувањето, а Фрицл телото на бебето го запалил, па пепелот го истурил низ својата градина. И потоа дојде април 2008 година, кога најстарата ќерка на Елизабета се разболела, а таа го намолила својот татко монструм да ја однесе во болница.
Фрицл ја задоволил нејзината желба, а во болница кажал дека болната девојка е ќерка на неговата избегана ќерка, која од домот избегала во култ. Своите лаги се обидел да ги поткрепи со лажно писмо од Елизабета, во кое се наведувало дека се приклучила на религиозен култ.
Меѓутоа, лекарите не му поверувале на Фрицл па ја известиле полицијата. Гледајќи дека може да биде разоткриен, Фрицл во болницата одлучил да ја донесе и Елизабета и другите две деца кои со неа живееле во подрумот. Ги барал за да ја потврдат неговата приказна, но Елизабета не го послушала.
Прво долго време молчела, а потоа кажала: „Ако ви раскажам се, никој нема да ми верува.“ Успеав да ја уверам да ми каже се што сака, а таа тогаш ми кажа: „Се ќе ви раскажам, но имам еден услов. Никогаш повеќе не сакам да го видам својот татко“. Тоа беше последен пат да го изговори зборот татко. И секако дека никогаш повеќе не го виде, кажал полицаецот кој прв разговарал со Елизабет во болницата.
Таа денес живее со децата на тајна локација, а нејзиниот монструозен татко, кој себе се нарекувал роден силувач, животот ќе го помине во затвор.
