Шефот на турската полиција Мехмет Актас соопшти дека во рации против терористичката група Исламска држава се уапсени 100 луѓе коишто планирале изведување напад.
Актас информира дека осомничените биле уапсени во 26 рации, изведени во 21 провинција.
Тој информираше дека нападот што го подготвувала групата требало да се совпадне со прославите поврзани со одбележувањето на 96-годишнината од основањето на Турската Република.
Турција ги зајакна безбедносните мерки по смртта на лидерот на ИД Абу Бакр ал Багдади во американска воена операција во Сирија.
