Жена и дете загинаа во јужна Турција во експлозија на импровизиран уред активиран од курдските бунтовници.
Ова го јави турската државна агенција „Анадолија“.
Според Агенцијата, нападот се случил минатата ноќ на патот во близина на градот Јуксек, во провинцијата Хакари, која се граничи со Иран и Ирак.
Жената починала веднаш, додека нејзиниот 11-месечен син умрел во болница. Тие се враќале од посетата на нејзиниот сопруг, кој е водник во турската армија.
Курдистанската работничка партија (ПКК) веќе три децении води бунт на југоистокот од Турција. Инаку, Турција и западните сојузници групата ја сметаат за терористичка организација.
