Неколку стотици приврзаници на независноста на Каталонија синоќа повторно, по седми пат, протестираа на улиците на Барселона поради неодамнешната пресуда на сепаратистичките лидери.
Една група демонстранти ја блокираше улицата во близина на седиштето на шпанската влада во Каталонија, а друга група ја блокираше големата Авенија Меридијан во источниот дел на градот.
Како што пренесуваат шпанските медиуми, немало знаци на насилство како во претходните денови.
„Ние сме луѓе на мирот“, пишуваше на еден од транспарентите што го носеа демонстрантите.
◼️◻️ Catalan pro-independence activists peacefully sitting down yesterday night in #Barcelona among chants of “Anti-fascist Catalonia”
No riot police, no violence. #StandUpForCatalonia pic.twitter.com/C9Qamm8aHB
— Assemblea International (@assemblea_int) October 20, 2019
Вршителот на должноста министер за полиција Фернандо Гранде-Марласка вчера изјави дека во судирите досега биле повредени 288 полицајци, уапсени 194 лица и оштетени се 267 полициски возила. Исто така, повредени се неколку стотици демонстранти.
Градоначалникот на Барселона, Ада Колау изјави дека еден полицаец и еден демонстрант се во критична состојба и дека неколку лица го изгубиле едното око, бидејќи биле погодени од гумени куршуми испукани од полицијата.
#Barcelona protest pic.twitter.com/a5D6MoXksu
— Oh boy what a shot (@ohboywhatashot) October 20, 2019
