Повеќе од 2.000 Чеси, наместо дозволените максимум 100 луѓе, се собраа денес на стариот градски плоштад во центарот на Прага да протестираат против „ковид-тиранијата на чешката влада“.
Тие бараат да се отвори Чешка најдоцна до 23 јануари, санитарните мерки да бидат укинати и Чесите да започнат да живеат нормален живот.
„Мерките против епидемијата воведени од оваа влада не функционираат и никогаш нема да успеат. Напротив, тие штетат на нас, на вас, на целата нација“, рече Јиржи Јанешек во име на чешките угостители чии ресторани се затворени од есента.
Модераторот на демонстрациите во центарот на Прага, Давид Биксадски рече дека наовие демонстрации, ќе го објават отворањето на Чешка.
„Ние нема да ги почитуваме владините мерки што не функционираат, туку напротив предизвикаа далеку пострашна пандемија на сиромаштија, невработеност, компании што пропаѓаат и недостаток на образование”, додаде Биксадски.
Голем дел од учесниците на протестот не носеа заштитни маски, но носеа транспаренти со пораки „Да го запреме тоталитаристичкиот систем во име на ковид“, „Ние не сме овци“, „Во понеделник на училиште“ и слично.
The demonstration "For Freedom and Responsibility" is taking place on the Old Town Square in #Prague.
"The government is not improving the situation, but making it worse," said one of the organizers. More than 6000 people had expressed interest in the event on Facebook. pic.twitter.com/uZlmhNtKI4
— Prague Morning (@PragueMorning) January 10, 2021
