Британскиот лекар, Том Лутон, кој работи во одделот за интензивна нега во „Bradford Royal Infirmary“, се обиде на оригинален начин да ги убеди луѓето да носат маска и да им покаже дека нејзиното носење не му штети на организмот.
Лутон истрча повеќе од 22 милји (околу 35 километри) со маска на лицето со надеж дека ќе ја разоткрие теоријата дека тие го намалуваат нивото на кислород – објави „Mirror“.
Како лекар на интензивна нега што се занимава со некои од најлошите работи поврзани со ковид-19 и обидувам да укажам на сè што во корист и што може да нè заштити сите. Затоа, јас сум вознемирен од дезинформациите кои се однесуваат околу нивото на кислород и маските, како и збунувачката порака за тоа кога да ги носиме (во затворени простории!) – напиша д-р Лутон на страната „Go Fund Me“.
Доктор Лутон истрчал до и од болницата додека носел маска за лице и монитор за кислород.
За време на трчањето, мониторот цело време му покажувал дека има 98% ниво на кислород, иако сугерира дека маските за лице не влијаат на количината на кислород што може да го дишете.
Ја истрчав патеката од 22,6 милји во маска (8 милји, потоа нешто повеќе од 14), дишејќи доволно кислород за околу 10 луѓе кои нормално се движат. Маската воопшто не ја симнав од лицето (дури и за храна или пијалок за време на трчањето) и нивото на кислород беше тврдоглаво 98% секој пат кога проверував – вели Лутон.
Неговиот обид собра над 2.150 фунти за „Trussell Trust“, кои работат со банки за храна низ Велика Британија.
И Светската здравствена организација тврди дека носењето маска за лице не ја намалува количината на кислород што може да го внесете или да предизвика интоксикација со јаглерод диоксид.
Продолжената употреба на медицински маски кога се прави правилно, не предизвикува интоксикација со ЦО2, ниту недостаток на кислород. Додека носите медицинска маска, проверете дали е соодветно наместена и дека е доволно затегната за да ви овозможи нормално да дишете. Не користете повторно маска за еднократна употреба и секогаш менувајте ја веднаш штом ќе се навлажни – велат од СЗО.
