Според најновите податоци објавени од научната онлајн публикација „Нашиот свет во податоците“, повеќе од 135 милиони луѓе ширум светот примиле вакцина против ковид-19.
Од тоа, повеќе од половината се дадени во САД, Европската унија и Велика Британија.
Во моментов, неколку вакцини се во оптек низ целиот свет, а според Алијансата за вакцини „ГАВИ“ (финансиран од ООН), ова е прв пат во историјата да се развиваат толку многу вакцини за толку краток временски период.
Сите вакцини се разликуваат во начинот на примање, ефикасноста, потребните дози и температурата на складирање на вакцините.
Во повеќето земји, први кои примаат вакцини се луѓето од прва линија, односно, здравствените работници, по што следуваат лица со тешки и хронични болести и постари лица.
Во земји како ОАЕ, Израел, во тек се масовни вакцинации на општата популација.
