Во турскиот град Измир, каде што живеат голем број на иселеници од Република Македонија, локалната власт донесе одлука една од улиците да го носи името Дебарска.
Претставникот на општина Маврово – Ростуше, Фикрет Ибраими, информираше дека на свеченоста присуствувале градоначалникот на Борнова, Атила Олгун и градоначалникот на општина Маврово –Ростуше, Медат Куртовски. На улицата, на која што најголемиот број на иселеници се од Реканско – дебарскиот регион поставена е таблата „Дебре сокак“ што во превод значи Дебарска улица. Во близина на оваа улица е и познататата „Дебрели џамија“ односно Дебарска џамија.
На свеченоста, градоначалникот на Борнова нагласи дека иселениците од Македонија имаат големо значење во економскиот развој на општината и се активни во сите сфери од животот.
