Властите во Мадрид и на Гибралтар изнесоа различни верзии на инцидентот во кој шпански воен брод им нареди на трговски бродови да го напуштат пристаништето во близина на Гибралтар.
Тензиите се зголемуваат во овој регион по наближувањето на Брегзит. Во острата изјава Гибралтар наведува дека шпанскиот воен брод им наредил на трговските бородови да ги напуштат британските води во близина на Гибралтар и дека си заминал по доаѓањето на британските воени бородови ,а трговските бродови останале.
Официјален Мадрид , пак излезе со соопштение дека трговските бродови пловеле во шпански води и дека го напуштиле подрачјето , откако биле контактирани од нивниот воен брод.
Ниту едната страна не наведе чии биле трговските бродови.
Властите во Гибралтар наведуваат дека потегот на Шпанија е детинест и дека нема да ги залашуваат ниту сега , ниту по 29 март , датумот на кој Британија ќе треба да излезе од ЕУ.
Со теснецот Гибралтар управува Британија од 1713 година , иако Шпанија смета дека е дел о нејзината територија.
