Генералниот секретар на НАТО порача дека Русија ја има последната шанса да се врати на реализацијата на Договорот за ликвидација на ракети од среден и краток домет до февруари.
-Нема да нагаѓам колкава е веројатноста Русија да се врати кон почитувањето на Договорот за ликвидација на ракети од среден и краток домет. Важно е дека тоа е последната шанса за Русија-изјави Јенс Столтенберг и додаде:
-Ако не се вратат кон почитувањето на договорот, ќе имаме голем проблем, затоа што во тој случај договорот ќе се распадне- изјави генералниот секретар на најмоќниот воен сојуз на светот, Јенс Столтенберг.
Москва и Вашингтон во изминатите неколку години често меѓусебно се обвинуваат за прекршување на одредбите од Договорот за ликвидација на ракетите од среден и краток домет. Русите во неколку наврати порачаа дека го почитуваат договорот, додека пак Американците се убедени дека Москва лаже.
Американскиот претседател Доналд Трамп неодамна порача дека Соединетите Американски Држави и дефинитивно ќе се повлечат од Договорот за ликвидација на ракети од среден и краток домет.
