Американскиот претставник задолжен за Венецуела, Елиот Абрамс најави дека американските власти планираат да воведат санкции кон Русија поради поддршката за претседателот Николас Мадуро.
– Разгледуваме каква улога има Русија и нема да дозволиме поддршка (за Венецуела) без реакција – изјави Абрамс, додавајќи дека се планираат санкции за руски организации и поединци.
САД воведоа серија санкции кон Венецуела по претседателските избори во 2018 година, на кои победи Мадуро. Опозицијата поддржана од САД не ги признава тие изборни резултати.
Абрамс призна дека САД досега ја потцениле поддршката на Русија и Куба за Венецуела.
