Иранскиот претседател, Хасан Рохани, изјави дека укинувањето на санкциите наметнати за Иран претставува „очигледно право“ на земјата и индиректно предупреди за можни чекори што Иран би ги презел во случај тоа да не се случи.
Коментарот на Хасан Рохани е реакција на притисокот на САД кои минатиот месец најавија продолжување на санкциите против Иран на неопределено време, иако според резолуцијата на Советот за безбедност на ОН тоа би требало да се случи во октомври.
Продолжувањето на санкциите би предизвикало противење од Русија, која не ја крие желбата да има можност да му продава конвенционално оружје на Техеран, коментираат светските агенции.
Резолуцијата на Советот за безбедност на Обединетите нации усвоена во 2015 година, во која се поддржува нуклеарниот договор меѓу Техеран и светските сили, предвидува санкциите за Иран да бидат укинати пет години по усвојувањето на документот.
