Во вооружени напади во северозападниот дел на Нигерија загинале 47 луѓе.
Како што соопшти началникот на полицијата во градот Кацина, Гамбо Исах, вооружени лица извршиле напади во градовите Дутсинма, Данмус и Сафана.
Исах додава дека нападите најверојатно се изведени заради одмазда, а во нив имало и голем број ранети, коишто се пренесени во болница.
Шефот на полицијата соопшти дека добро вооружени полициски сили почнале копнена и воздушна операција против напаѓачите.
Во овој дел од земјата, честопати во борба за пасишта, доаѓа до конфликти меѓу локалните селани и овчарите кои доаѓаат од други делови на Нигерија. Таа нетрпеливост е особено изразена меѓу овчарите од заедницата Фулани и другите племињата кои живеат од земјоделие.
Членовите на заедницата Фулани тврдат дека земјоделците се обидуваат да го украда нивниот добиток и честопати и ги напаѓаат.
