Колумнистот Јавуз Селим Демираг, кој критички пишува за претседателот на Турција, Реџеп Тајип Ердоган, е претепан и е пренесен во болница, соопшти дневниот весник „Јеничаг“.
Весникот наведува дека нивниот колумнист Демираг е претепан со безбол палки. Тој бил нападнат од пет до шест луѓе.
Причината за нападот на Демираг се уште е непозната.
Инцидентот се случува во време на зголемени тензии поради одлуката турската Врховна изборна комисија да ги поништи резултатите од изборите за градоначалник на Истанбул и закажа повторно гласање на 23 јуни.
Партијата на правдата и развојот на Ердоган тврди дека победата во Истанбул е добиена со измама, додека опозицијата истакнува дека е евидентен притисокот на Владата врз Врховна изборна комисија.
