Германската полиција се судри денес со демонстрантите, кои повторно протестираа во центарот на Берлин против рестриктивните мерки околу епидемијата на коронавирус.
Германската полиција објави на Твитер дека уапсила повеќе од 100 лица.
Демонстрантите извикуваа „Го сакаме животот “ и носеа транспаренти на кои пишува „Заштита на уставните права“.
Локалните медиуми објавија дека околу илјада луѓе се собрале на плоштадот ,,Роза Луксембург” .
