Денеска во Белата куќа унгарскиот премиер Виктор Орбан ќе се сретне со американскиот претседател Доналд Трамп. Тие ќе разговараат за трговски и енергетски прашања, вклучувајќи и продажба на оружје.
Американски официјални претставници изразија загриженост поради антисемитизмот во цела Европа, вклучително и во Унгарија, и поради ставот на Орбан против мигрантите, јави ДПА. Тие изјавиле дека Трамп ќе изрази загриженост во врска со европската зависност од руската енергија и за „вечните“ прашања во врска со сојузниците на НАТО кои не ги исполнуваат целите за трошоци во одбраната.
Американскиот претседател, исто така, ќе дискутира и за загриженоста околу кинеските телекомуникациски компании кои ќе добијат пристап до европските пазари, кои Вашингтон ги смета за закана за безбедноста.
