Иранската државна телевизија објави дека во ракетниот напад на двете американски бази во Ирак, Ајс ел Асад и Ирбил се убиени најмалку 80 „американски терористи“.
Иранската револуционерна гарда, која ја презеде одговорноста за нападите, објави дека нападите врз базите биле „одмазда за убиството на командантот на единицата Кудс, Касим Сулејмани“.
Иранскиот министер за надворешни работи Мохамед Џавад Зариф посочи дека Иран презел пропорционални мерки за самоодбрана во согласност со член 51 од Повелбата на ОН и врз основа на тоа од каде е извршен „кукавичкиот напад“ против иранските државјани.
– Не сакаме ескалација или војна, но ќе се браниме од агресија – напиша Зариф на Твитер.
Iran took & concluded proportionate measures in self-defense under Article 51 of UN Charter targeting base from which cowardly armed attack against our citizens & senior officials were launched.
We do not seek escalation or war, but will defend ourselves against any aggression.
— Javad Zarif (@JZarif) January 8, 2020
Пред да се соопштат податоците за евентуални жртви, се огласи и американскиот претседател Доналд Трамп, која напиша на Твитер дека ракетите се лансирани од Иран на две воени бази во Ирак.
– Во тек е проценка на штети и жртви. Засега се е добро. Ја имаме најмоќната и најопремената војска на светот, напиша Трамп.
All is well! Missiles launched from Iran at two military bases located in Iraq. Assessment of casualties & damages taking place now. So far, so good! We have the most powerful and well equipped military anywhere in the world, by far! I will be making a statement tomorrow morning.
— Donald J. Trump (@realDonaldTrump) January 8, 2020
Иран, како што наведе Би-Би-Си, соопшти дека нападот е одмазда за убиството на генералот Сулејмани.
– Сега кога ја сфатија нашата моќ време е САД да ги повлечат своите сили од Блискиот Исток – истакна началникот на Генералштабот на иранската војска Мохамед Бакери.
