Договорот помеѓу Турција и Русија за запирање на големата владина офанзива во сириската провинција Идлиб, која е под окупација на бунтовничките сили, продолжува според планот и нема никакви пречки при неговата имплементација, изјави турскиот министер за надворешни работи.
На конференција во Истанбул со неговите колеги од Азербејџан и Иран, Мевлут Чавушоглу исто така изјави дека доколку терористите или радикалните групи во Идлиб го прекршат она што е предвидено со договорот, Турција ќе интервенира.
